კომისიის 3 წევრი ტექნიკური უნივერსიტეტიდანაა - რა ნიშნით დააკომპლექტეს საკონკურსო კომისია

გამოქვეყნდა:

ცესკოს თავმჯდომარისა და საარჩევნო ადმინისტრაციის კიდევ ორი წევრის შესარჩევი კომისიის შემადგენლობა ცნობილია. ის 11 წევრისგან შედგება აქედან 5 არასამთავრობო ორგანიზაციის წარმომადგენელია, ხოლო 6 პროფესორები სხვადასხვა სახელმწიფო უნივერსიტეტებიდან. 

სამ წევრი ტექნიკური უნივერსიტეტიდანაა. ჯერ უცნობია, რატომ მოხდა კომისიის ასე დაკომპლექტება, რადგან თავიდან არსებობდა მოლოდინი, რომ უნივერსიტეტებს შორის 3 კერძო იქნებოდა, 3 კი სახელმწიფო. 

კომისიის წევრების ნაწილი ამბობს, რომ მსგავსი ტიპის კომისიებში მონაწილეობის გამოცდილება საერთოდ არ აქვს.

"საქართველოს ტექნიკურმა უნივერსიტეტმა დამასახელა მე, ასეთ, ამ სახის კომისიაში არ მიმუშავია, ტყუილს ვერ გეტყვით", - თქვა სტუ-სდან წარდგენილმა, სოფიო მიდელაშვილმა.

არასამთავრობო სექტორისთვის გაუგებარია რა პრინციპით შეირჩნენ უნივერსიტეტბის წარმომადგენლები, ისინი აპირებენ, რომ პროცესების განვითარებას დააკვირდნენ. 

კომისიის თავმჯდომარეობის მსურველებს 6 ივლისის საღამოს 6 საათამდე აქვთ ვადა, რომ შესაბამისი დოკუმენტაცია პრეზიდენტის ადმინისტრაციაში წარადგინონ. კანდიდატების განხილვა, სწორედ ამის შემდეგ დაიწყება. კომისიას მაქსიმუმ 3 კანდიდატის მხარდაჭერა შეუძლია.

ამავე თემაზე:

გამოცხადდა ღია კონკურსი ცესკოს თავმჯდომარისა და ორ ვაკანტურ თანამდებობაზე - პრეზიდენტის განკარგულება
 

მთავარი 12:00
უყურეთ ბოლო გამოშვებას

იხილეთ ჩვენს ეთერში

დღის მთავარი