საქართველოში კორონავირუსით ინფიცირებისა და გარდაცვალების დღიური შემთხვევების პიკია
გამოქვეყნდა:
დღეს, 10 აგვისტოს საქართველოში COVID-19-ით ინფიცირებისა და სიკვდილიანობის დღიური მაჩვენებლის პიკი დაფიქსირდა.
დაავადებათა კონტროლის ეროვნული ცენტრის ინფორმაციით, ბოლო 24 საათში ქვეყანაში კორონავირუსით კიდევ 54 ადამიანი გარდაიცვალა, ინფექცია დამატებით 5 697 ადამიანს დაუდასტურდა. მსგავსი მაჩვენებლები ქვეყანაში ვირუსის გავრცელების დღიდან არ დაფიქსირებულა.
ცნობისთვის, კორონავირუსის პირველი დადასტურებული შემთხვევა საქართველოში 2020 წლის 26 თებერვალს გამოვლინდა.
დღეიდან, 10 აგვისტოდან ღია სივრცეში, სადაც 5 ან მეტი ადამიანი იკრიბება პირბადის ტარება სავალდებულო ხდება.
- ჯანდაცვის სპეციალისტები მოსახლეობას კიდევ ერთხელ ახსენებენ, რომ პანდემიის დამარცხების ერთადერთი გზა, და ერთადერთი საშუალება, რაც ადამიანებს სიკვდილისგან დაიცვას ვაქცინაა.
