31 წლის ორსულს კორონავირუსის გართულების გამო ნაყოფი დაეღუპა - მას საკეისროს ვერ უკეთებენ
გამოქვეყნდა:
31 წლის ორსულ ქალს კორონავირუსის გართულების გამო ნაყოფი დაეღუპა. შვიდი თვის ორსული ბათუმიდან კლინიკა "ბომონდში" ორი დღის წინ შეიყვანეს. როგორც მისი მეუღლე ამბობს, ბათუმში ადგილის არარსებობის გამო ქალი ქუთაისში გადაიყვანეს, მდგომარეობა დამძიმდა და ნაყოფი დაიღუპა.
ორსულს საკეისრო კვეთა ამ დრომდე ვერ უტარდება და ვერც თბილისში გადაჰყავთ. როგორც კლინიკაში აცხადებენ, პაციენტი მგზავრობას ვერ გაუძლებს. მათივე ინფორმაციით, შეიკრიბა კონსილიუმი და სავარაუდოდ, ნაყოფის დაბადება ბუნებრივი გზით მოხდება.
ცნობისთვის, ბოლო 24 საათის განმავლობაში საქართველოში კორონავირუსის 5 128 ახალი შემთხვევა დადასტურდა, გარდაიცვალა კიდევ 49 ადამიანი. გამოჯანმრთელებული პაციენტების რაოდენობამ - 3 310 შეადგინა.
