ჩვენთან ერთად მოიპოვეთ თავისუფლება!
ეროვნულ-დემოკრატიული ინსტიტუტის ახალი კვლევის მიხედვით გამოკითხულთა 47% ამბობს, რომ კორონავირუსის საწინააღმდეგო ვაქცინას არ გაიკეთებდა, 35%- ამბობს, რომ პირიქით. კითხვაზე გამოკითხულთა 7%-მა პროცენტმა უპასუხა, რომ უკვე აცრილია, ხოლო 11% ამბობს, რომ არ იცის.
პასუხების მიხედვით, გამოკითხულთა 58%-ს ჰკითხეს, თუ რატომ არ აიცრებოდა, პასუხები შემდეგნაირად გადანაწილდა:
- არ ვენდობი კორონავირუსის ვაქცინის ხარისხსს - 47%
- არ ვიცრები ჯანმრთელობასთან დაკავშირებული მიზეზების გამო - 20%
- ვაქცინის გარეშეც ვუმკლავდებით კორონავირუსის პანდემიას - 13%
- ვაქცინაციას სინამდვილეში სხვა მიზნები აქვს - 7%
- ზოგადად ვაქცინების წინააღმდეგი ვარ - 2%
- სხვა - 5%
- არ ვიცი - 5%
კვლევა 13-25 ივლისის პერიოდში საქართველოს მასშტაბით 2,016 სატელეფონო ინტერვიუს გზით ჩატარდა.
გამოკითხვის საშუალო ცდომილების ზღვარი არის +/- 1.3 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.
ცნობისთვის, ბოლო 24 საათის განმავლობაში საქართველოში კორონავირუსის 5 128 ახალი შემთხვევა დადასტურდა, გარდაიცვალა კიდევ 49 ადამიანი. გამოჯანმრთელებული პაციენტების რაოდენობამ - 3 310 შეადგინა.
