სრულად ვაქცინირებულია მოზრდილი მოსახლეობის 20.2% - სტატისტიკა რეგიონების მიხედვით
გამოქვეყნდა:
დაავადებათა კონტროლის ეროვნული ცენტრის ინფორმაციით, 11 სექტემბრის მონაცემებით, საქართველოში სულ 1 467 065 აცრაა ჩატარებული.
ამ დროისთვის 1 დოზით ვაქცინირებულია მოზრდილი მოსახლეობის 31.2% (889 903 ადამიანი), ხოლო სრულად ვაქცინირებულია 20.2% (577 162 ადამიანი).
10 სექტემბერს 25 132 ადამიანი აიცრა.
აცრების განაწილება რეგიონების მიხედვით ასეთია:
- თბილისი - 11 713
- სამეგრელო - ზემო სვანეთი - 1 876
- გურია - 852
- აჭარა - 3 047
- რაჭა - ლეჩხუმი, ქვემო სვანეთი - 66
- იმერეთი - 2 839
- სამცხე - ჯავახეთი - 718
- შიდა ქართლი - 936
- მცხეთა - მთიანეთი - 578
- ქვემო ქართლი - 1 108
- კახეთი - 1 399
ბოლო 24 საათის განმავლობაში, საქართველოში კორონავირუსის 2 533 ახალი შემთხვევა დადასტურდა, გარდაიცვალა კიდევ 57 ადამიანი. დღე-ღამის განმავლობაში 1 762 ადამიანი გამოჯანმრთელდა.
