"მთავარი არხის" ოპერატორი კლინიკიდან გაწერეს | "ოცნების" შტაბში თავდასხმის შედეგად მან მენჯ-ბარძაყისა და ნეკნის მოტეხილობა მიიღო
გამოქვეყნდა:
"მთავარი არხის" ოპერატორი ლევან აბლოთია კლინიკა "ნიუ ჰოსპიტალიდან" ცოტა ხნის წინ გაწერეს.
ქარელში, "ქართული ოცნების" შტაბში მომხდარი თავდასხმის შედეგად მან მენჯ-ბარძაყისა და ნეკნის მოტეხილობა მიიღო. დაზიანებული აქვს ხელი და აღენიშნება დაბეჟილობები.
თავდასხმის დროს მასთან ერთად იყო "მთავარი არხის" ჟურნალისტი ბექა ყორშიაც, რომელიც პოლიციამ უკვე გამოკითხა. ყორშია ამბობს, რომ ობიექტური გამოძიების იმედი არ აქვს.
"გამოკითხვა გაგრძელდა დაახლოებით საათნახევრის განმავლობაში. მე ცხადია, პესიმისტურად ვარ განწყობილი და არანაირ შედეგს არ ველოდები ამ გამოძიებისგან. ძალიან ბევრი მსგავსი საქმეა შემოდებული თაროზე და ბოლომდე არ არის მიყვანილი კონკრეტულად ჟურნალისტებზე ძალადობის მხრივ", - თქვა ბექა ყორშიამ.
იხილეთ ასევე:
- კადრები, რომლის გადაღებაც ლევან აბლოთიამ აივნიდან გადმოგდებამდე მოასწრო | თავდასხმა "მთავარი არხის" გადამღებ ჯგუფზე
- ქართულმა ოცნებამ სასწრაფოს ბრიგადას არ აცნობა ქუჩის მისამართი, სადაც მთავარი არხის დაშავებული ოპერატორი იმყოფებოდა
- "მენჯ-ბარძაყის მოტეხილობა აქვს, ნეკნებთან და ხელთან დაკავშირებით ამ ტექნიკით არაფერი ჩანს" | ნიკა გვარამიამ "მთავარი არხის" დაშავებული ოპერატორი კლინიკაში მოინახულა
- რამდენიმე წამი გაითიშა... ზურგს ვერ ვგრძნობ, ხელს და ფეხს ვერ ვამოძრავებო... ჯოჯოხეთი გამოვიარეთ - ბექა ყორშია
- ქარელში, "მთავარი არხის" ოპერატორი "ოცნების" ოფისის მეორე სართულიდან გადმოაგდეს
