62 წლის მწყემსის განზრახ მკვლელობის ბრალდებით 26 წლის კაცი დააკავეს
გამოქვეყნდა:
შინაგან საქმეთა სამინისტროს ინფორმაციით, მცხეთა-მთიანეთის პოლიციამ განზრახ მკვლელობის ბრალდებით 1995 წელს დაბადებული ბ.ხ. დააკავა.
უწყების ცნობით, გამოძიებით დადგინდა, რომ ბრალდებულმა, ურთიერთშელაპარაკების ნიადაგზე, ცივი იარაღით ჭრილობა მიაყენა 1959 წელს დაბადებულ კ.ჩ.- ს, რომელიც ადგილზე გარდაიცვალა.
"სამართალდამცველებმა დანაშაულის ჩადენის იარაღი - დანა ნივთმტკიცებად ამოიღეს", - ამბობენ შსს-ში.
ცნობისთვის, მკვლელობა თიანეთის მთებში მოხდა. მოკლეს 62 წლის კაცი, რომელიც სავარაუდოდ, თავდამსხმელთან მწყემსად მუშაობდა.
მომხდართან დაკავშირებით გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.
ამავე თემაზე:
