ჯანდაცვის მინისტრის მოადგილის, თამარ გაბუნიას განმარტებით, "ბუსტერ" დოზების გაკეთება ამ ეტაპზე წინასწარი რეგისტრაციის გარეშე, სამედიცინო დაწესებულებაში წარდგენილი დოკუმენტაციის საფუძველზე მოხდება.
მისივე თქმით, ვაქცინაციისთვის რეგისტრაციის სისტემა მომდევნო კვირას გაიმართება. "ბუსტერ" დოზა საქართველოში მხოლოდ "ასტრაზენეკას" ვაქცინით არ ტარდება.
"ბუსტერ დოზების შემთხვევაში ვაქციანცია შესაძლებელია ჩატარდეს რეგისტრაციის გარეშე და რეგისტრაციითაც, სისტემა გაიმართება მესამე დოზაზე რეგისტრაციისთვის უკვე მომდევნო კვირისთვის.
ქრონიკული დაავადების მქონე პირს დასჭირდება ვაქცინაციაზე წარმოადგინოს ექიმის ცნობა, ან ფორმა 100, რომელიც დაადასტურებს მის ჯანმრთელობის სტატუსს და ამის საფუძველზე მიიღებს ის ბუსტერ დოზას. 50 წლის ზემოთ პირს, რა თქმა უნდა, ცნობის წარდგენა არ სჭირდება და შეუძლია, პირდაპირ დარეგისტრირდეს ან რეგისტრაციის გარეშე მიბრძანდეს აცრისთვის",- თქვა გაბუნიამ.
ჯანდაცვის სამინისტროს გადაწყვეტილებით, Covid-19 საწინააღმდეგო ვაქცინის დამატებითი (ბუსტერ) დოზით აცრას Covid-19 დაავადების მძიმე გართულებების მაღალი რისკის ქვეშ მყოფი პირები შეძლებენ, მათ შორის:
ბუსტერ-დოზით აცრა შესაძლებელი იქნება ვაქცინაციის პირველადი კურსის დასრულებიდან მინიმუმ 6 თვიანი ინტერვალით და ამისთვის შესაძლებელია იგივე, ან სხვა ვაქცინა გამოიყენონ.
"სინოვაკითა" და "სინოფარმით" აცრილ პირებს დამატებით Pfizer-ის ვაქცინით აცრის შესაძლებლობა მიეცემათ, შემდეგი წესით:
ცნობისთვის, Pfizer-ის ვაქცინით აცრას ასევე შეძლებენ 12-დან 15 წლის ასაკის ჩათვლით ქრონიკული დაავადების მქონე ბავშვები; იმავე ასაკობრივ ჯგუფში ბავშვები, რომლებიც მოგზაურობის, სწავლის, მკურნალობის, ან სხვა მიზნით, საზღვარგარეთ წასვლისთვის ესაჭიროებათ ვაქცინაციის ჩატარება.