ციციშვილის კლინიკაში 1 თვის კოვიდით ინფიცირებული ბავშვის მდგომარეობა უკიდურესად მძიმეა - მაია ჩხაიძე
გამოქვეყნდა:
ციციშვილის ბავშვთა კლინიკაში კორონავირუსით ინფიცირებული 118 პაციენტი მკურნალობს, აქედან 14 რეანიმაციულ განყოფილებაშია მოთავსებული.
ციციშვილის სახელობის ბავშვთა კლინიკის სამედიცინო დირექტორის თქმით, უკიდურესად მძიმეა 1 თვის ჩვილის ჯანმრთელობის მდგომარეობა, რომელიც მართვით სუნთქვაზე იმყოფება.
"ერთი არის უკიდურესად მძიმე მდგომარეობაში. ეს არის 1 თვის ბავშვი, რომლის რეფერირება მოხდა ბათუმიდან. მას აქვს ორივე ფილტვის ქსოვილის სერიოზული მაღალქულიანი დაზიანება. სხვა პაციენტები, რომლებიც მკურნალობენ რეანიმაციაში, აქვთ თანმხლები დაავადებები. სულ 4 მშობელია, რომელიც ორჯერადაა ვაქცინირებული და მათი მდგომარეობა არ არის მძიმე",- მაია ჩხაიძე.
იაშვილის სახელობის ბავშვთა ცენტრალური საავადმყოფოს სამედიცინო დირექტორი ამბობს, რომ NCDC-ის სტატისტიკით, 100 ინფიცირებული ბავშვიდან 8-9 ბავშვი საჭიროებს საავადმყოფოში მოთავსებას.
"ყველაზე მეტი გავრცელება ხდება საყოფაცხოვრებო კონტაქტების ხარჯზე. ერთადერთი გზა, თავიდან ავიცილოთ ბავშვების ინფიცირება, გვაქვს ვაქცინაცია",- აღნიშნავს ივანე ჩხაიძე.
21 ნომებრის კოვიდსტატისტიკის მიხედვით კი ბოლო 24 საათში დადასტურდა 3 357 ახალი შემთხვევა, ხოლო გარდაიცვალა 76 ადამიანი.
