კულტურის სამინისტრომ ახალი ლიტერატურული პრემია "წლის საუკეთესო" დააფუძნა. სამინისტროს ინფორმაციით, პრემიის დაფუძნება პარლამენტის კულტურის კომიტეტის თავმჯდომარის მოადგილის, ქეთევან დუმბაძის ინიციატივა იყო."წლის საუკეთესო" ყოველწლიურად ჩატარდება და გამარჯვებულები შემდეგ ნომინაციებში გამოვლინდებიან:
- წლის საუკეთესო რომანი;
- წლის საუკეთესო პოეტური კრებული;
- წლის საუკეთესო პროზაული კრებული;
- წლის საუკეთესო პიესა.
გამარჯვებულს საკონკურსო კომისია გამოავლენს, რომლის შემადგენლობა გამარჯვებულების გამოვლენამდე კონფიდენციალურია და არანაკლებ 5 წევრისგან შედგება.
კონკურსში გამარჯვებულთა დაჯილდოების ცერემონიალი 2021 წლის 27 დეკემბერს გაიმართება.
შეგახსენებთ, რომ ბრიფინგზე, სადაც წულუკიანმა ახალი კონკურსის დაფუძნებაზე ისაუბრა, კრიტიკული მეტია არ შეუშვეს. "მთავარ არხს" ნახევარ-საათიანი ლოდინის შემდეგ უთხრეს, რომ ის დაცვის სამსახურის სპეციალურ სიაში არ იყო.
აღსანიშნავია ისიც, რომ მანამდე ლიტერატურული პრემია "ლიტერა" სწორედ თეა წულუკიანისადმი კონკურსანტების პროტესტის გამო ჩაიშალა.
