ინფექციონისტი მაია ბუწაშვილი, კორონავირუსის "ომიკრონის" შტამზე არსებული კვლევების მიხედვით, საჭირო ინფორმაციას აჯამებს. მისი თქმით, იმის გამო, რომ ამ შტამმა გავრცელება სულ ახლახანს დაიწყო, კვლევები ჯერ მწირია.
ინფექციონისტის წერს, რომ "ომიკრონით" გამოწვეული კოვიდის ინკუბაციური პერიოდი, ანუ დრო ინფიცირებიდან სიმპტომების გამოვლენამდე, 3 დღემდე შემცირდა.
ომიკრონის შტამისთვის დამახასიათებელია 5 ძირითადი სიმპტომი:
- ცხვირიდან გამონადენი,
- თავის ტკივილი,
- საერთო სისუსტე,
- ცემინება,
- ყელის ტკივილი.
ასევე დამატებით აღინიშნება კოვიდისთვის აქამდე ნაკლებად დამახასიათებელი სიმპტომები:
- გულისრევა,
- ღამით ოფლიანობა,
- წელის ტკივილი.
ინფექციონისტის თქმით, ხველა შეიძლება იყოს, თუმცა უფრო მსუბუქად გამოხატული, ვიდრე კოვიდის მანამდე არსებული შტამების შემთხვევაში.
გარდა ამისა, "ომიკრონს":
- სიცხე შედარებით ნაკლებად ახასიათებს;
- ყნოსვის და გემოს ცვლილება ძალიან იშვიათია (დელტას შემთხვევაშიც შედარებით ნაკლებად გვხვდებოდა, ხოლო ომიკრონის შტამი კიდევ უფრო იშვიათად იწვევს ამ სიმპტომს);
- ქვედა სასუნთქი გზების დაზიანება შედარებით ნაკლებად ხდება და შესაბამისად, სუნთქვის გაძნელება ნაკლებად ახასიათებს.
მაია ბუწაშვილი წერს, რომ "ომიკრონის" შემთხვევაში ჰოსპიტალიზაცია შემცირებულია 70%-ით (თუმცა ვინაიდან ინფიცირებულთა საერთო რაოდენობა ძალიან მაღალია, ჰოსპიტალიზაციის საჭიროების მქონეთა აბსოლუტური რიცხვიც მაღალია. შესაბამისად, ამჟამად საწოლების მაქსიმალური მზადყოფნა მაინც აუცილებელია).
- 50%-ით ნაკლებია რეანიმაციაში მოხვედრის რისკი, 4-5-ჯერ ნაკლებია მართვით სუნთქვაზე გადაყვანის რისკი.
- რეანიმაციაში მოხვედრილთა და მართვით სუნთქვაზე გადაყვანილთა მაღალი პროცენტია არავაქცინირებული.
- ვაქცინის სამი დოზა ჰოსპიტალიზაციის რისკს 80%-მდე ამცირებს.
- კვლავ საყურადღებოა 65 წელზე მეტი ასაკის ადამიანთა ჰოსპიტალიზაციის მაჩვენებელი - 5%.
