ქუთაისის ინფექციურ საავადმყოფოს Covid-19 -ით ინფიცირებული ორი პაციენტი დაემატა. ახაგაზრდა ცოლ-ქმარი, რომლებსაც ბაქოში მოგზაურობის ისტორია აქვთ, კლინიკაში წყალტუბოს საკარანტინე სივრციდან გადაიყვანეს. კლინიკის მთავარი ექიმის, თემურ ნადირაძის განცხადებით, მათი მდგომარეობა საშუალო სიმძიმისაა.
ამ დროისთვის, ქუთაისის ინფექციურ საავადმყოფოში კორონავირუსით ინფიცირებული 7 პაციენტი მკურნალობს, ორი კი საეჭვო სიმპტომებით ბოქსირებულ პალატაშია მოთავსებული. მათ ლაბორატორიული კვლევა ჩაუტარდებათ.
