იმუნიზაციის ტექნიკურ მრჩეველთა ეროვნული ჯგუფის ხელმძღვანელის, ივანე ჩხაიძის ინფორმაციით, საქართველოში კორონავირუსით ყოველდღიურად 3-4 ათასი ბავშვი ინფიცირდება.
„დაავადებათა კონტროლის ეროვნული ცენტრის ჯამური სტატისტიკით, ბავშვების ინფიცირების მაჩვენებელი 15%-ს შეადგენს. ყველა 100 ინფიცირებულიდან 15 ბავშვია. სავსებით შესაძლებელია, რომ „ომიკრონის“ ფონზე ეს მაჩვენებელი კიდევ უფრო მეტად გაიზარდოს.
10 000 ინფიცირებული ნიშნავს, რომ საქართველოში ყოველდღე 1500 ბავშვი არის კორონავირუსით ინფიცირებული. როცა ჩვენ ამაზე ორჯერ და სამჯერ მაღალი მაჩვენებელი გვაქვს, გამოდის, რომ ყოველდღიურად, 3-4 ათასი ბავშვი ინფიცირდება საქართველოში" - აცხადებს ჩხაიძე.
მისი თქმით, 10 დღეში კორონავირუსით ინფიცირების შემთხვევები მაქსიმუმს მიაღწევს, შემდეგ კი კლება დაიწყება.
შეგახსენებთ, დღეს, 2 თებარვალს, საქართველოში კორონავირუსის 26 320 ახალი შემთხვევა დადასტურდა და 44 ადამიანი გარდაიცვალა.