"ყვირილის ხმა ისმოდა, დილით გავიგე დაუხოციათო" - ფერმა, სადაც ცოლ-ქმარი მოკლეს, ბიზნესმენ გიორგი სამხარაძეს ეკუთვნის
გამოქვეყნდა:
ჩვენთან ერთად მოიპოვეთ თავისუფლება!
მკვლელობა სოფელ კონდოლში გუშინ, გვიან ღამით ერთ-ერთ ფერმაში მოხდა. ფერმა ბიზნესმენ გიორგი სამხარაძეს ეკუთვნის. ის მომხდარს სატელეფონო კომენტარისას ადასტურებს, თუმცა სხვას არაფერს ამბობს.
მოკლული ცოლ-ქმარი კი ყვარლის მუნიციპალიტეტის სოფელ კუჭატნიდან არიან და წლების განმავლობაში მუშაობდნენ აღნიშნულ ფერმაში. "მთავარის" ინფორმაციით, მათ შელაპარაკება მოუვიდათ მწყემსთან, რის შემდეგაც მათ ცეცხლსასროლი იარაღით ჭრილობები მიაყენეს. ამის შემდგ დამნაშავე შემთხვევის ადგილიდან მიიმალა.
"მკაფიო ყვირილის ხმა ისმოდა, კამათი ჰქონდათ ალბათ, დილით კიდე გავიგე დაუხოციათო" - ამბობს ერთ-ერთი მწყემსი.
იმის გამო, რომ დანაშაულის ადგილი სოფლის დასახლებული ცენტრიდან მოშორებითაა, ფაქტს თვითმხილველი არ ჰყავს.
რა მუხლითაა გამოძიება დაწყებული უცნობია. შსს-ში ამბობენ, რომ მიმდინარეობს საგამოძიებო მოქმედებები.
ავტორი: ია გულიაშვილი
ახალგაზრდების პროტესტი | მთავარის საგანგებო ეთერი
უყურეთ ბოლო გამოშვებას
