"სულ ნაკერები აქვს, სახე აქვს საკმაოდ დალურჯებული" | რა გახდა აგვისტოს ომის მონაწილე სამხედროს გარდაცვალების მიზეზი
გამოქვეყნდა:
ჩვენთან ერთად მოიპოვეთ თავისუფლება!
ამ დრომდე უცნობია, რა ვითარებაში გარდაიცვალა 45 წლის სამხედრო შალვა ტაბატაძე. ოჯახი გამოძიების ოფიციალურ ვერსიას არ ენდობა. მათ არ სჯერათ, რომ სამხედროს გარდაცვალების მიზეზი ავტოსაგზაო შემთხვევაა.
გარდაცვლილს სხეულზე უამრავი დაზიანება აღენიშნება. ოჯახის წევრები იხსენებენ, რა ვითარებაში დატოვა შალვა ტაბატაძემ სახლი.
"სახლში მეგობრები ჰყავდა, სუფრაზე იყვნენ და მერე დაიშალნენ. გაეპარათ ღამე გვიან, 11:00 საათზე და ამათ ეგონათ, რომ დაიძინა. ამბობენ, რომ დარტყმის დროს კარები გაიღო და გადმოვარდა. უკნიდან დაეჯახა ვიღაცის მანქანა, როგორც ვიცი. ის მანქანა გაჩერდა და პატრულში დარეკა. [...] ფაქტია, რომ სულ ნაკერები აქვს. სახე აქვს საკმაოდ დალურჯებული", - ამბობს გარდაცვლილის ოჯახის წევრი.
შეიარაღებული ძალების ოფიცერი სოფელ ორთაშენში, ავტომაგისტრალის ხიდის ქვეშ გუშინ იპოვეს. გარდაცვლილის ოჯახი ექსპერტიზის დასკვნას ელოდება.
ამავე თემაზე:
- "ისეთი მოძრაობა იქ არ არის, რომ ეს მომხდარიყო" - საეჭვო დაზიანებები და გარემოებები ორთაშენში, სამხედროს გარდაცვალებაზე
- გარდაცვლილი სამხედრო 45 წლის შალვა ტაბატაძეა - ნაპოვნ ცხედარს ექსპერტიზა უტარდება
