16 თებერვალს, გამთენიისას თბილისში მაღაზია iStore გატეხეს. შემთხვევა ბარათაშვილის ქუჩაზე მდებარე ფილიალში მოხდა.
სოციალურ ქსელში სათვალთვალო კამერით გადაღებული ვიდეო გავრცელდა, სადაც ჩანს როგორ ამტვრევს 2 პირი მაღაზიის ვიტრინას. ისინი სავარაუდოდ არასრულწლოვნები არიან.
სავარაუდოდ, მაღაზიიდან წაღებული არაფერია, რადგან კადრების მიხედვით შუშების ჩამტვრევის შემდეგ, ისინი გაიქცნენ.
შემთხვევა გამთენიისას 07:05 საათზე მოხდა. ვიდეოების ავტორი წერს, რომ ეს უკვე მეოთხე შემთხვევაა.
"მთავარი არხის" ვებგვერდი მომხდარზე შსს-ს დაუკავშირდა და ინფორმაციას მოწოდებისთანავე შემოგთავაზებთ.
