რუსული ძალები უკრაინის სიდიდით მეორე ბირთვულ ობიექტს უახლოვდებიან - აშშ-ის ელჩი გაეროში
გამოქვეყნდა:
გაეროში ამერიკის შეერთებული შტატების ელჩი, ლინდა თომას-გრინფილდი აცხადებს, რომ რუსული ძალები უკრაინის კიდევ ერთ, სიდიდით მეორე ბირთვულ ობიექტს უახლოვდებიან.
"რუსული ძალები ახლა 20 მილის მანძილზე არიან უკრაინის სიდიდით მეორე ბირთვული ობიექტიდან და მას უახლოვდებიან", - ამბობს ელჩი.
უკრაინის ატომური ელექტროსადგურების ზედამხედველი ორგანოს ცნობით, სიმძლავრის თვალსაზრისით, უკრაინის სიდიდით მეორე ბირთვული ობიექტი მიკოლაევში მდებარე იუჟნუკრაინსკის ატომური ელექტროსადგურია.
"პრეზიდენტმა პუტინმა უნდა შეაჩეროს ეს ჰუმანიტარული კატასტროფა, უნდა დაასრულოს ომი და შეწყვიტოს თავდასხმები უკრაინელი ხალხის წინააღმდეგ", - დასძინა ელჩმა.
შეგახსენებთ, გუშინ რუსულმა ძალებმა ზაპოროჟიეს ატომურ ელექტროსადგურზე იერიში მიიტანეს. დაბომბვის შედეგად ხანძარი გაჩნდა. ოკუპანტებმა მეხანძრე მაშველებს ტერიტორიაზე შესვლის შესაძლებლობა მხოლოდ 2 საათის შემდეგ მისცეს. მეხანძრეებმა ცეცხლის ჩაქრობა შეძლეს. ტერიტორიაზე რადიაციის ზრდა არ ფიქსირდება.
ამავე თემაზე:
