ქალაქ ენერგოდარში არსებული ზაპოროჟიეს ატომური ელექტროსადგური რუსულმა ძალებმა დაიკავეს. ინფორმაციას Unian-ი ავრცელებს.
უკრაინის ბირთვული რეგულირების სახელმწიფო ინსპექციის ცნობით, ტერიტორიაზე, რომელიც ოკუპანტებმა გამთენიისას დაბომბეს, ამ დროისთვის რადიაციული ცვლილება არ ფიქსირდება.
"ოპერატიული პერსონალი აკონტროლებს ენერგობლოკების მდგომარეობას და უზრუნველყოფს მათ მუშაობას რეგლამენტის მოთხოვნების შესაბამისად", - ნათქვამია უკრაინის ბირთვული რეგულირების სახელმწიფო ინსპექციის განცხადებაში.
მათივე განცხადებით, უკრაინელ ჯარისკაცებს შორის, რომლებიც ატომურ ელექტროსადგურს იცავდნენ, არიან დაღუპულები და დაჭრილები.
ამასთან, ზაპოროჟიეს ატომური ელექტროსადგურის თანამშრომლები ადგილობრივ მედიასთან ამბობენ, რომ მათ თავს კადიროვის დაჯგუფება დაესხათ.
შეგახსენებთ, გამთენიისას რუსულმა ძალებმა ზაპოროჟიეს ატომურ ელექტროსადგურზე იერიში მიიტანეს. დაბომბვის შედეგად ხანძარი გაჩნდა. ოკუპანტებმა მეხანძე მაშველებს ტერიტორიაზე შესვლის შესაძლებლობა მხოლოდ 2 საათის შემდეგ მისცეს. ხანძარი ამ დროისთვის ლიკვიდირებულია.
ამავე თემაზე:
- პუტინის უგუნური ქმედებები საფრთხეს უქმნის მთელ ევროპას - ბორის ჯონსონი
- ზაპოროჟიეს ატომურ ელექტროსადგურზე თავდასხმის გამო, ბორის ჯონსონმა გაეროს უშიშროების საბჭოს სხდომა მოიწვია
- უკრაინაში 15 ატომური ბლოკია, თუ აფეთქება მოხდება, ევროპას ბოლო მოეღება - ზელენსკი
- თუ ააფეთქეს, ჩერნობილზე 10-ჯერ დიდი იქნება - კულება ზაპოროჟიეს ატომურ ელექტროსადგურზე
