შოთა დიღმელაშვილს, რომელმაც 8 მარტს მთავრობის ადმინისტრაციის შენობას პროტესტის ნიშნად კვერცხები ესროლა, თბილისის საქალაქო სასამართლომ 4-დღიანი პატიმრობა შეუფარდა.
ინფორმაციას მოძრაობა "სირცხვილია" ავრცელებს.
დიღმელაშვილი, ამ ფორმით 7 მარტს, მთავრობის ადმინისტრაციასთან მშვიდობიანი დემონსტრანტების დაკავებას აპროტესტებდა.
აქციის მონაწილეები უკრაინის მიმართ საქართველოს მთავრობის პოზიციას აპროტესტებდნენ. ისინი ითხოვდნენ - დაწესდეს სავიზო რეჟიმი რუსეთთან; აიკრძალოს რუსული მედიასაშუალებები და დაიკეტოს საჰაერო სივრცე რუსეთისთვის.
