რამდენიმე საათიანი ჩხრეკა და საგამოძიებო მოქმედებები მიმდინარეობდა გვიან ღამით თბილისში - გიორგი მდივნის ქუჩაზე. ერთ-ერთი საწყობის ტერიტორიაზე ექპსერტკრიმინალისტები და კინოლოგები იყვნენ მობილიზებული.
ჯერჯერობით უცნობია, რას ან ვის ეძებდნენ სამართალდამცავი ორგანოების წარმომადგენლები. სახელმწიფო უსაფრთხოების სამსახურსა და შსს-ში თავდაპირველად "მთავარს" უთხრეს, რომ მათი უწყება არანაირ მოქმედებებს არ ატარებდა, თუმცა, როგორც მოგვიანებით გაირკვა, ჩხრეკა ერთ-ერთ საქმეს უკავშირდებოდა, რომლის შესახებაც დღეს გახდება ცნობილი.
ასევე, სუს-ში არ დაადასტურეს, რომ საგამოძიებო მოქმედებები ბოკოვის საქმეს უკავშირდებოდა, ასევე უარყვეს გავრცელებული ინფორმაცია ერთი პირის დაკავების შესახებაც.
