წარსულში ორჯერ ნასამართლევ პირს სუპერმარკეტის დაყაჩაღებისთვის 11 წლითა და 6 თვით პატიმრობა მიესაჯა
გამოქვეყნდა:
პროკურატურის ცნობით, სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ყაჩაღობაში ბრალდებული დამნაშვედ ცნო.
უწყების ცნობით, ბრალდებული 2021 წლის 12 აგვისტოს, თბილისში "ნიკორა ტრეიდის" ერთ-ერთი ფილიალში თავს დაესხა მაღაზიის მოლარე-ოპერატორს და დანის მუქარით 300 ლარი გასტაცა.
ი.ტ. სხვისი ნივთის მართლსაწინააღმდეგო მისაკუთრებისთვის ორჯერ ნასამართლევია. პოლიციამ ის 2021 წლის 13 აგვისტოს დააკავა.
მას ბრალდება საქართველოს სისხლის სამართლის კოდექსის 179-ე მუხლის მე-4 ნაწილის „ბ“ ქვეპუნქტით (ყაჩაღობა, ჩადენილი ორჯერ ნასამართლევი პირის მიერ) წარედგინა და აღკვეთის ღონისძიების სახით პატიმრობა შეეფარდა.
თბილისის საქალაქო სასამართლომ ი.ტ.-ს სასჯელის სახედ და ზომად 11 წლით და 6 თვით თავისუფლების აღკვეთა განუსაზღვრა.
