თუ სითხეს საერთოდ ვერ იღებს, შეიძლება, ყველაფერი რამდენიმე დღეში დამთავრდეს - ექიმი მიხეილ სააკაშვილზე

სახალხო დამცველის კონსილიუმის წევრი, ანესთეზიოლოგ-რეანიმატოლოგი გიორგი გრიგოლია ამბობს, რომ მიხეილ სააკაშვილის მკურნალობასთან დაკავშირებით გადაწყვეტილების მიღება დაუყოვნებლივ უნდა მოხდეს.

როგორც მან აღნიშნა, იმ შემთხვევაში, თუ მესამე პრეზიდენტი უკვე სითხის მიღებასაც ვეღარ ახერხებს, შესაძლოა, "ყველაფერი რამდენიმე დღეში დამთავრდეს".

"ჩვენ შეგვიძლია ერთობლივი დებატები გავმართოთ ყველა იმ დიაგნოზზე, რაც ჩვენ გამოტანილი გვაქვს ჩვენი დასკვნაში. მიზანი არის ჯანმრთელობის გაუმჯობესება სააკაშვილის და შესაბამისად, დაუყოვნებლივ გადაწყვეტილების მიღება. ჯერ ვერ იღებდა ცილოვან საკვებს, მერე ამას დაემატა თუ ეს მართლა ასეა, სითხის მიუღებლობა და ეს უკვე ძალიან სერიოზული სიმპტომი არის, საკვების გარეშე თუ შეიძლება ადამიანმა თვეზე მეტი იცოცხლოს მეტნაკლებად სრულფასოვნად, სითხის გარეშე, გააჩნია რაოდენობას, თუ საერთოდ ვერ იღებს, შეიძლება ყველაფერი რამდენიმე დღეში დამთავრდეს", - თქვა გიორგი გრიგოლიამ.

ცნობისთვის, მესამე პრეზიდენტი უკვე სიცოცხლისთვის იბრძვის. ცილოვანი დეფიციტი და ელექტროლიტების დისბალანსი, გახშირებული ღებინების ფონზე, პირდაპირ მიუთითებს, რომ მიხეილ სააკაშვილის ჯანმრთელობა კრიტიკულ ნიშნულს გასცდა. ვიზიტორები ამბობენ, რომ მიხეილ სააკაშვილი ვეღარ იღებს წყალს, შენელებული აქვს მოტორიკა და ვერ გადაადგილდება.

ამავე თემაზე:

• მიხეილ სააკაშვილთან დაკავშირებით დღეს მედიკოსები პრეზიდენტის ადმინისტრაციის წარმომადგენლებთან შეხვედრას გამართავენ
• "მზად ვართ, სამუშაო ფორმატში შევხვდეთ იუსტიციის სამინისტროს წარმომადგენლებს" | ომბუდსმენის განცხადება
• მიხეილ სააკაშვილის უკიდურესად მძიმე დიაგნოზი | მესამე პრეზიდენტის ბრძოლა სიცოცხლისთვის