ჩვენთან ერთად მოიპოვეთ თავისუფლება!
კიდევ ერთი გახმაურებული საქმე, რომელსაც თაროზე შემოდების პერსპექტივა აქვს. ბიზნესმენ ლევან კაჭარავას მკვლელობიდან ერთი კვირა გავიდა, თუმცა პოლიციას თავდამსხმელები იდენტიფიცირებულებიც არ ჰყავს.
სამართალდამცავებმა არ იციან, ვინ იყვნენ ის პირები, რომლებმაც კაჭარავას 20 ტყვია ესროლეს. მოწმეთა ჩვენებებით მხოლოდ ისაა დადგენილი, რომ ბიზნესმენს 2 პირი ესროდა. ისინი ნიღბის გარეშე იყვნენ და თავდასხმისას კაჭარავას ქართულად აგინებდნენ.
მოწმეთა ჩვენებების საფუძველზე პოლიცია ახლა ფოტორობოტის შექმნას ცდილობს, თუმცა დიდი ალბათობით დამნაშავეები ქვეყანაში აღარ იმყოფებიან.
