ნიკა გვარამიას პატიმრობის გახანგრძლივება და სასამართლო პროცესის გადადება მიუღებელია - ლექსმანი
გამოქვეყნდა:
"სასამართლო პროცესის გადადება და პატიმრობის გახანგრძლივება მიუღებელია" - ასე ეხმაურება ევროპარლამენტარი მირიამ ლექსმანი ნიკა გვარამიას პროცესის ოქტომბრამდე გადადებას.
twitter-ზე ლექსმანი წერს, რომ ევროპარლამენტი აღნიშნულ საქმეს განსაკუთრებული ყურადღებით აკვირდება.
"ევროპარლამენტი ნიკა გვარამიას საქმეს განსაკუთრებული ყურადღებით აკვირდება. მისი პატიმრობის გახანგრძლივება და სასამართლო პროცესის გადადება მიუღებელია", - წერს ევროდეპუტატი.
19 ივლისს ნიკა გვარამიას საქმეზე სააპელაციო სასამართლოში პირველი სხდომა გაიმართა. "მთავარი არხის" გენერალური დირექტორის, მომდევნო პროცესი 4 ოქტომბერს, 14:00 საათზე ჩაინიშნა. მოსამართლეთა კოლეგიამ განმარტა, რომ შვებულებების პერიოდია, რის გამოც გრაფიკი გადანაწილებული აქვთ.
სხდომის 2 თვის შემდეგ ჩანიშვნით, სააპელაციო ვადები დაირღვა.
