ჩვენთან ერთად მოიპოვეთ თავისუფლება!
გიორგი შაქარაშვილის ცხედრის უმძიმესი ფოტომასალა, რომელიც დღეს გავრცელდა. "მთავარი" არხი ფოტოებს მხოლოდ ნაწილობრივ ასაჯაროებს. ჩანს, რომ 19 წლის ფეხბურთელს დაზიანებები სახის და ხელის არეში აღენიშნება. უფრო კონკრეტულად კი აქვს მარჯვენა ხელის კიდურის მოტეხილობა, ნახეთქი ჭრილობა, ქვედა ტუჩის და საფეთქლის მიდამოებში.
ცხედრის ფოტოების გავრცელების შემდეგ ასევე დადასტურდა, რომ წყლიდან ამოყვანის დროს, შაქარაშვილს არ ეცვა ფეხსაცმელი და წინდები.
ეს ყველაფერი კი აჩენს საფუძვლიან ეჭვს, რომ გიორგი შაქარაშვილს დაზიანებები შესაძლოა ბლაგვი საგნით, სიცოცხლეშივე ჰქონდეს მიყენებული.
ტუჩის მიდამოში, სადღაც საფეთქლის ლოკაციაში ასახულია მოწითალო უბანი, რომელიც თავის მორფოლოგიით და იმ გაჭუჭყიანებული ზედაპირის მხედველობაში მიღებით, ცალსახა დასკვნების საშუალებას არ იძლევა, სოცოცხლის დროინდელია თუ სიკვდილის შემდგომი. რაც შეეხება პირის ნაპრალის პროექციაზე მარცხნივ ერთ ერთ მხარეს, ქვემო ტუჩზე არის მეტნაკლებად ანალოგიური უბანი, თუმცაღა ის უფრო მეტ შთაბეჭდილებას ტოვებს, რომ აქ ადგილ უნდა ჰქონდეს დაზიანებას, რაც არის, როგრც ყველა დაზიანება, რაც მე აქამდე მითქვია, ბლაგვი ტრავმის შედეგი - ამბობს ალექსანდრე გეჯაძე
