აქტივისტები, რომლებმაც ქუთაისში ანტისაოკუპაციო სტიკერები გააკრეს, სასამართლომ დამნაშავეებად სცნო
გამოქვეყნდა:
ქუთაისის საქალაქო სასამართლომ სამოქალაქო აქტივისტები სამართალდამრღვევებად სცნო. საუბარია ორგანიზაცია "ევროპა ჩვენი სახლიას" წევრებზე, რომლებმაც 7 აგვისტოს ომიდან 14 წლის თავზე ერთ-ერთი ხიდის მიმდებარე ტერიტორიაზე ანტისაოკუპაციო სტიკერები გააკრეს.
მერია აქტივისტებისთვის 1000-1000-ლარიან ჯარიმას ითხოვდა, მოსამართლემ კი მათ წინააღმდეგ ფინანსური სანქცია არ გამოიყენა, სიტყვიერი გაფრთხილება მისცა და დამნაშავეებად სცნო.
აქტივისტების თქმით, დღეს კიდევ ერთხელ დადასტურდა, რომ ქვეყანას რუსული ოცნება მართავს.
