სახელმწიფო უსაფრთხოების სამსახური რადიოაქტიური ნივთიერების უკანონო შეძენა-შენახვის საქმეზე ფარულ ვიდეოჩანაწერს ავრცელებს, სადაც ისმის საქმის ფიგურანტების საუბარი იმასთან დაკავშირებით, თუ რამდენად სახიფათოა ნივთიერება.
ამჟამად ბრალდებულების აღკვეთზე მსჯელობა თბილისის საქალაქო სასამართლოში იწყება. დაკავებულია სამი პირი.
სუს-ის ანტიკორუფციული სააგენტოსა და კონტრდაზვერვის დეპარტამენტმა 2022 წლის 16 აგვისტოს ჩატარებული ოპერატიულ-სამძებრო და საგამოძიებო ღონისძიებების შედეგად, რადიოაქტიური ნივთიერებების უკანონო შეძენა-შენახვისა და 1,2 მლნ აშშ დოლარად გასაღების მცდელობის ფაქტზე სამი პირი დააკავა.