ყირიმის ხიდი ყვავილებად მოეჩვენებათ, თუ ჩვენი ტერიტორიის ერთ მეტრს მაინც შეეხებიან - ლუკაშენკო უკრაინას ემუქრება
გამოქვეყნდა:
ლუკაშენკო პრეზიდენტ ზელენსკის ემუქრება და აფრთხილებს. მისი მტკიცებით, არაოფიციალური არხებით შეატყობინეს, რომ უკრაინიდან ბელარუსზე თავდასხმა იგეგმება.
„გუშინ არაოფიციალური არხებით გაგვაფრთხილეს ბელარუსის წინააღმდეგ უკრაინის ტერიტორიიდან დარტყმების შესახებ. როგორც თქვეს: "გავაკეთებთ ისე, რომ ეს იქნება ყირიმის ხიდი - 2.“ ეს ინფორმაცია მაშინვე მომიტანეს. უთხარით უკრაინის პრეზიდენტს და სხვა გიჟებს, თუ ჯერ კიდევ იქ არიან, ყირიმის ხიდი მათ ყვავილებად მოეჩვენებათ, თუკი ჩვენს ერთ მეტრს მაინც შეეხებიან მათი ბინძური ხელებით“. იმუქრება ლუკაშენკო.
