ჩვენთან ერთად მოიპოვეთ თავისუფლება!
გლდანში, ხიზანიშვილის ქუჩა დაიტბორა. შემთხვევა "მაქსილენდის" მიმდებარე ტერიტორიაზე მოხდა.
არსებული ინფორმაციით, მიზეზი სანიაღვრე სისტემის არარსებობაა.
ამ ფაქტს "ნაციონალური მოძრაობის" წევრი ლევან ხაბეიშვილი ეხმაურება და დედაქალაქის მერს რამდენიმე შეკითხვით მიმართავს:
მილიონობით ლარი რომ დავხარჯეთ ხიზანიშვილის ქუჩის გასაკეთებლად. წელიწადნახევარი რომ აკეთებდა კალაძე და ვერაფრით ვერ მორჩნენ, ახლა ქუჩა პატარა ნალექის პირობებში დაიტბორა. კითხვა დედაქალაქის მერთან: რატომ იყო წყალდიდობა დღეს ხიზანშიშვილზე და იყო თუ არა ეს სანიაღვრე სისტემის არარსებობს გამო. აქაც ხო არ დაგავიწყდათ ჭები? - ამბობს ხაბეიშვილი "მთავართან" საუბრისას.
შეგახსენებთ, რომ ხიზანიშვილისა და ვეკუას ქუჩების რეაბილიტაცია თბილისის მერიამ გასული წლის 1-ელ მაისს დაიწყო. სარეაბილიტაციო სამუშაოებისთვის მერიის ბიუჯეტიდან 12 მილიონ ლარამდე იყო გამოყოფილი.
ახალგაზრდების პროტესტი | მთავარის საგანგებო ეთერი
უყურეთ ბოლო გამოშვებას
