დააკავეს ბრიტანელი ბიზნესმენი, რომელიც რუს ოლიგარქ დერიპასკას სანქციების თავიდან აცილებაში დაეხმარა
გამოქვეყნდა:
ბრიტანელი ბიზნესმენი გრეჰემ ბონემ-კარტერი რუსი ოლიგარქისთვის აშშ-ის სანქციების თავიდან აცილებაში დახმარების ბრალდებით დააკავეს.
არსებული ცნობებით, ბონემ კარტერი ოლეგ დერიპასკას ქონებას აშშ-ის კანონებისა და სანქციების დარღვევით მართავდა. ბონემ-კარტერს ასევე ბრალად ედება რუსი ოლიგარქის საკუთრებაში არსებული ნამუშევრების საზღვარგარეთ უკანონო გადატანა, განაცხადა აშშ-ის იუსტიციის დეპარტამენტმა.
აშშ-ს მთავრობა ბონემ კარტერის შეერთებულ შტატებში ექსტრადიციას მოითხოვს.
ბონემ-კარტერს ბრალად ედება 1 მილიონ დოლარზე მეტი ღირებულების უკანონო ტრანზაქციები აშშ-ში უძრავი ქონების დასაფინანსებლად დერიპასკას სასარგებლოდ.
ვარაუდობენ, რომ ბიზნესმენს დერიპასკამ დაავალა შეექმნა კომპანია, სახელად GBCM Ltd, მისი ქონების მართვისთვის, მათ შორის ორი ნიუ იორკში, ერთი ვაშინგტონში. დერიპასკას ქონება შეფასებულია 2 მილიარდ ფუნტად.
54 წლის მილიარდერი, ოლეგ დერიპასკა ალუმინის გიგანტის Rusal-ის (RUAL.MM) დამფუძნებელია. ის 2018 წელს ვაშინგტონის შავ სიაში მოხვდა 2016 წლის აშშ-ის არჩევნებში რუსეთის სავარაუდო ჩარევასთან დაკავშირებით.
