უკრაინის შეიარაღებულმა ძალებმა მიკოლაევის ოლქში ოკუპანტების სადამკვირვებლო პუნქტი გაანადგურეს
გამოქვეყნდა:
უკრაინის შეიარაღებული ძალების საზღვაო ძალების ქვედანაყოფმა, მიკოლაევის ოლქის ქალაქ ოჩაკოვთან ოკუპანტების სადამკვირვებლო პუნქტი გაანადგურა - ამის შესახებ უკრაინის შეიარაღებული ძალების საზღვაო ძალები აცხადებენ.
"ქალაქ ოჩაკოვთან, უკრაინის შეიარაღებული ძალების საზღვაო ძალების ნაწილებმა გაანადგურეს მტრის მიერ კონტროლირებადი სადამკვირვებლო პუნქტი და ორი ირანული დრონი „შაჰიდ-136“ - ნათქვამია განცხადებაში.
უკრაინის შეიარაღებული ძალების ინფორმაციით, დღეს, 14 ოქტომბერს, საჰაერო თავდაცვის ძალებმა ჯამში უკვე გაანადგურეს რუსი ოკუპანტების რვა კამიკაძე დრონი.
