რუსეთის ხელისუფლებამ გასცა განკარგულება, რომლის თანახმადაც, ყირიმის ხიდი 2023 წლის 1 ივლისამდე უნდა აღდგეს.
მედიის ინფორმაციით, მთავრობის შესაბამის განკარგულებას ხელი რუსეთის პრემიერმინისტრმა, მიხაილ მიშუსტინმა მოაწერა.
აფეთქების შედეგად დაზიანებული ხიდის აღდგენა კომპანია Нижнеангарсктрансстрой-ს დაევალა, რომელმაც სარემონტო სამუშაოები 2023 წლის 1 ივლისამდე უნდა დაასრულოს.
ცნობისთვის, აფეთქება ყირიმის ხიდზე 8 ოქტომბერს მოხდა. აფეთქების შედეგად, ხანძარი რკინიგზის ნაწილზე გავრცელდა, რის გამოც დაზიანებულია საავტომობილო გზაც.
