ბელგოროდის რაიონში, სოფელ რაზუმნოეს მახლობლად, ნავთობის საცავს ცეცხლი გაუჩნდა. რეგიონის გუბერნატორმა, ვიაჩესლავ გლადკოვმა განაცხადა, რომ ეს მოხდა უკრაინის შეიარაღებული ძალების დაბომბვის შედეგად.
„კიდევ ერთხელ დაგვიბომბეს. ერთ-ერთი ჭურვი ბელგოროდის რაიონში ნავთობის საცავს მოხვდა. მე შემთხვევის ადგილზე ვარ. საგანგებო სიტუაციების სამინისტრო უკვე ებრძვის ხანძარს. გავრცელების საფრთხე არ არსებობს“, - წერს გლადკოვი "ტელეგრამის" არხზე.
TASS საგანგებო სამსახურებზე დაყრდნობით იტყობინება, რომ ნავთობის საცავში ათი ავზიდან ერთი დაზიანდა.
სოფელი რაზუმნოე მდებარეობს ბელგოროდიდან დაახლოებით 11 კილომეტრში.
