უკრაინასა და რუსეთს შორის ომის შესახებ მოლაპარაკებების არარსებობა ხელს უწყობს იმ ფაქტს, რომ რუსეთის ფედერაციაში მოხდეს შეთქმულება პრეზიდენტ ვლადიმერ პუტინის წინააღმდეგ, რომლის მიზანიც მისი დამხობაა - ამის შესახებ უკრაინის პრეზიდენტის ადმინისტრაციის მრჩეველმა ოლექსეი არესტოვიჩმა ისაუბრა.
რუსეთთან მოლაპარაკებები არ იქნება, ხაზგასმით აღნიშნა პრეზიდენტის ადმინისტრაციის მრჩეველმა.
"არაფერი იქნება, არანაირი მოლაპარაკება, რადგან მათთან მოლაპარაკების არარსებობა არის ყველაზე მომგებიანი სტრატეგია თვით რუსეთის შიგნით კოლაფსის უსწრაფესი მოწყობისთვის "- თქვა არესტოვიჩმა.
არესტოვიჩმა თქვა, რომ რუს დეპუტატსა და პუტინის მრჩეველს, სერგეი გლაზიევს სურდა დაერწმუნებინა, რომ რუსეთის ფედერაცია არ იყო დამნაშავე ომის დაწყებაში, "ჩაითრიეს" მინიშნებებით, რომ ეს გააკეთა ამერიკამ და თქვა, რომ მის ქვეყანას სურს მოლაპარაკება.
მანამდე სერგეი გლაზიევმა განაცხადა, რომ შეერთებული შტატები ელოდებოდა რუსეთის შეჭრას უკრაინაში, „ამერიკულ-ბრიტანული სცენარის მიხედვით რუსეთი ჩათრეულ იქნა ომში მთელ დასავლეთთან“. რუსი დეპუტატი ამტკიცებდა, რომ რუსული მხარე „სწრაფი გამარჯვების ილუზიით იყო შთაგონებული“.
