"ქართული ოცნების" მიერ მოსყიდული მოსახლეობა საბოლოოდ მოტყუებული დარჩა. დოკუმენტებით დასტურდება, რომ ვალების განულების დაპირება, რამაც სალომე ზურაბიშვილის არჩევის დროს გადამწყვეტი როლი ითამაშა, აფიორაა.
საბანკო ვალდებლებების მქონე ასობით ათასი მოქალაქე ამ დრომდე შავ სიაშია. ივანიშვილის "ქართუ ბანკმა" კი სახელმწიფოს სახელით ბიზნესი დაარეკეტა და მილიარდ-ნახევრის ღირებულების ვალი 38 მილიონად გადაიბარა.
70 წლის სვეტლანა ქალიაშვილი წლებია გაჭირვებას საკუთრი ძალებით ებრძვის. ორი წლის წინ იმედი გაუჩნდა, რომ მმართველი გუნდი სესხს ჩამოაწერდა, მაგრამ ახლა მოულოდნელად შეიტყო, რომ ვალდებულელები ისევ აქვს და "ქართულმა ოცნებამ" უბრალოდ მოატყუა. ახლა ყოველი დილა იმით იწყება, რომ ბანკიდან ურეკავენ და სესხის გადახდას სთხოვენ. არადა, არც შემოსავალი აქვს და არც დახმარება.
ქალიაშვილის მსგავსად, საქართველოს მოსახლეობის უმრავლესობა მმართველმა გუნდმა სახტად დატოვა. ვალების განულებას 2018 წლის საპარლამენტო არჩევნებამდე ორი კვირით ადრე პრემიერ-მინისტრი მამუკა ბახტაძე 600 ათას მოქალაქეს დაპირდა.
მმართველი გუნდის ეს განცხადება, თავის დროზე, საერთაშორისო დამკვირველებლებმა ამომრჩევლის მოსყიდვად შეაფასეს. თუმცა, როგორც აღმოჩნდა, ორი წლის თავზე "ქართულმა ოცნებამ" მოსახლეობა მოსყიდვაშიც კი მოატყუა.
პარლამენტის წევრმა ირაკლი აბესაძემ ის ციფრები დაითავლა, რაც ბიძინა ივანიშვილის ბანკმა "ქართუმ" ამ პროექტში დახარჯა. როგორც აღმოჩნდა, 1.5 მილიარდის ღირებულების სესხების ჩამოწერა "ქართუს" 38 მილიონი ლარი დაუჯდა. როგორც ოფიციალური დოკუმენტებით ირკვევა, ის თანხაც რომელიც "ქართუმ" ამ მიზნით დახარჯა, ოფშორული კომპანიებიდან მიიღო.
ირაკლი აბესაძის მსგავსად ფიქრობს ბიზნეს-სექტორიც. ერთ-ერთი მსხვილი ბანკის დამფუძნებელი მამუკა ხაზარაძე ხელისუფლების მხრიდან რეკეტზე საუბრობს. ნაცვლად იმისა, რომ ბიძინა ივანიშვილს დაპირებული მილიარდ-ნახევრიანი პროექტი განეხორციელებინა, მისი შესრულება კერძო სექტორს გადააბარა და ამით ბანკები გამოუვალ მდგომარეობაში ჩააყენა.
ჯერ კიდევ არავინ იცის, 2018 წლის 19 ნოემბრის ცნობა ვალების ჩამოწერაზე მხოლოდ ცნობის ფურცელია თუ რეალობა, რომელიც 600 ათას ადამიანს ყოფის შემსუბუქებას ჰპირდებოდა. ფაქტი ჯიუტია, ბიძინა ივანიშვილმა მოსყიდული ამომრჩევლები კიდევ ერთხელ მოატყუა.
