ღია დაპირისპირებამ მთავარ ოპოზიციურ პარტიაში პიკს დღეს მიაღწია. ნაციონალური მოძრობის ნაწილმა საჯაროდ მოითხოვა რადიკალური ცვლილებები და მათ შორის პარტიის თავმჯდომარის გადადგომა. საჯარო განცხადება ამ თემაზე დღეს პირდაპირ ეთერში და მნიშვნელოვნად დიდი შემადგენლობით გაკეთდა.
რეფორმების აუცილებლობაზე პარტიაში თანხმდება ყველა, თუმცა ნაწილი მიიჩნევს, რომ ქვეყანაში შექმნილი კრიზისის პირობებში შიდაპარტიული არჩევნების მოთხოვნა უადგილოა. და ახლა უმნიშვნელოვანესი საკითხი მიხეილ სააკაშვილის საზღვარგარეთ სამკურნალოდ გადაყვანაა, რის შემდეგაც შიდაპარტიული საკითხების გადაჭრა აქტუალური იქნება.
