არახამია: რუსეთთან მოლაპარაკებებზე საუბარი 2023 წლის მეორე ნახევარში იქნება შესაძლებელი

საპარლამენტო ფრაქციის „ხალხის მსახურის“ ხელმძღვანელი დავით არახამია მიიჩნევს, რომ რუსეთის ფედერაციასთან მოლაპარაკებების განახლების შესაძლებლობა შესაძლოა 2023 წლის მეორე ნახევარში გაჩნდეს -  ამის შესახებ მან ტელემარათონის დროს განაცხადა. 

კითხვაზე - როდის იქნება შესაძლებელი რუსეთის ფედერაციასთან მოლაპარაკებებზე საუბარი, არახამია პასუხობს:

„პატიოსნად, მჯერა, რომ ეს იქნება მაშინ, როცა საარჩევნო ციკლები დაიწყებს მუშაობას როგორც რუსეთში, ასევე შეერთებულ შტატებში, ანუ სადღაც მომავალი წლის მეორე ნახევარში, როდესაც აშშ-შიც დაიწყება საპრეზიდენტო კამპანია. გარდა ამისა, 2024 წელს პუტინის არჩევნები იქნება. და ყველას დასჭირდება პოლიტიკურად რაღაცის დემონსტრირება"- თქვა არახამიამ. 

ფრაქციის ხელმძღვანელმა ასევე გამოთქვა მოსაზრება, რომ რუსეთი ახლა ისევ აყენებს მოლაპარაკებების საკითხს, რადგან მას დრო სჭირდება "დასატენად".

"ისინი გადაჯგუფდებიან, პრობლემებია იარაღთან დაკავშირებით, საბრძოლო მასალასთან დაკავშირებით. უბრალოდ დრო სჭირდებათ პოზიციების გასაძლიერებლად. ასეთ დროს არ მივცემთ", - ხაზგასმით აღნიშნა არახამიამ. 

ამავდროულად, არახამიამ Telegram-ში აღნიშნა, რომ პრეზიდენტმა ვოლოდიმირ ზელენსკიმ მკაფიოდ გამოაცხადა პირობები, რომლითაც შეიძლება წარიმართოს რუსეთთან მოლაპარაკებები - „ტერიტორიული მთლიანობის აღდგენა, ყველა ზიანის კომპენსაცია, ომის დამნაშავეების დასჯა, ეფექტური გარანტიები, რომ ეს [სამხედრო ინტერვენცია] აღარ განმეორდება".