უკრაინის სამშვიდობო გეგმა სრულად, განსაზღვრულ ვადებში განხორციელდება - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა Twitter-ზე დაწერა.
მისივე თქმით, რაც უფრო დიდხანს დაარღვევს კრემლი სამშვიდობო ვადას, მით უფრო მკაცრი იქნება უკრაინის პოზიცია.
"რუსეთმა არ უნდა დაკარგოს დრო, რაც უფრო დიდხანს არღვევს კრემლი პრეზიდენტის 10 სამშვიდობო პირობას , მით უფრო კატასტროფული იქნება სიტუაცია კრემლისთვის და მით უფრო მკაცრი იქნება უკრაინის პოზიცია" - წერს დანილოვი
შეგახსენებთ, რომ 15 ნოემბერს, G20-ის სამიტზე სიტყვით გამოსვლისას, უკრაინის პრეზიდენტმა ვოლოდიმირ ზელენსკიმ მსოფლიოს მოუწოდა, არ შესთავაზონ უკრაინას კომპრომისები სინდისის, სუვერენიტეტის, ტერიტორიისა და დამოუკიდებლობის შესახებ.
გარდა ამისა, ზელესკიმ წარადგინა უკრაინის 10 " ფორმულა" რუსეთთან მშვიდობის მისაღწევად.
