"ივანიშვილ ყოფს, ხლეჩს, აპირისპირებს და ჩვენ ჯერ პარტიაში უნდა მოვახერხოთ გაერთიანება, გაძლიერება და შემდეგ მთელს ქვეყანაში. ნაციონალურ მოძრაობას სჭირდება გამაერთიანებელი თავმჯდომარე და არა დამყოფი, დამპირისპირებელი. ნაციონალური მოძრაობის ისტორია, ამომრჩეველი, იმსახურებს მეტს და ეს ადამიანები ჩვენგან ელიან დაუღალავ შრომას, ბრძოლას, იმისთვის, რომ საქართველო ხელიდან გამოვტაცოთ ივანიშვილის მოძალადეობრივ პოლიტიკას, დღეს ჩვენგან ამომრჩეველი ითხოვს მოქმედებას, რომ არ დავუშვათ ჩვენი ქვეყანა ჩაეფლოს რუსულ ჭაობში."
განაცხადა ენმ-ს წევრმა, დეპუტატმა ლევან ხაბეიშვილმა ბრიფინგზე, სადაც ენმ-ს თავმჯდომარეობის კანდიდატურა წამოაყენა.
