უკრაინის უშიშროების სამსახურის კონტრდაზვერვის თანამშრომლებმა, რუსული სამხედრო დაზვერვის აგენტი დააკავა, რომელიც რუსებს ვინიცის რეგიონში თავდაცვის ძალების დანაყოფებისა და ენერგეტიკული ობიექტების შესახებ მონაცემებს აწვდიდა.
დაკავებული ყოფილი საბჭოთა სამხედროა, რომელმაც 1990-იანი წლების დასაწყისში ჯარი დატოვა და ვინიცის რაიონში ცხოვრობდა.
"დამნაშავემ ფარულად შეაგროვა ინფორმაცია რეგიონის ტერიტორიაზე თავდაცვის ძალების მდებარეობისა და გადაადგილების შესახებ“, - წერია განცხადებაში
უწყების ცნობითვე, ჯაშუშმა რუს ოკუპანტებს კრიტიკული ინფრასტრუქტურის სტრატეგიულად მნიშვნელოვანი ობიექტების ზუსტი კოორდინატები გადასცა, რომლის მეშვეობითაც ოკუპანტებმა რეგიონში არსებულ ენერგო საწარმოებზე, სარაკეტო დარტყმები დაგეგმეს.
