მსხვერპლი მშვიდობიან მოსახლეობაში - გაერომ უკრაინაზე ახალი მონაცემები გამოაქვეყნა
გამოქვეყნდა:
უკრაინის წინააღმდეგ რუსეთის სრულმასშტაბიანი ომის დაწყებიდან, სულ მცირე 6595 უკრაინელი მშვიდობიანი მოქალაქე დაიღუპა და კიდევ 10 189 მშვიდობიანი მოქალაქე დაშავდა.
გაეროს ანგარიშის თანახმად, მშვიდობიანი მოსახლეობის სიკვდილისა და დაშავების ძირითადი მიზეზი დაბომბვებია.
დაღუპულთა შორის 2 575 მამაკაცია, 1 767 ქალი, 172 გოგონა და 206 ბიჭი, ასევე 37 ბავშვი და 1838 ზრდასრული, რომელთა სქესის დადგენა ვერ მოხერხდა.
მხოლოდ ნოემბრის დასაწყისიდან დაიღუპა 95 მშვიდობიანი მოქალაქე და დაიჭრა 305.
სიკვდილის ყველაზე მეტი შემთხვევები დონეცკისა და ლუგანსკის რეგიონებში დაფიქსირდა - 3939 ადამიანი.
გაერო აღნიშნავს, რომ მსხვერპლის რეალური რაოდენობა შესაძლოა მეტი იყოს, რადგან საომარი მოქმედებების ადგილებიდან ინფორმაციას დაგვიანებით იღებენ. საუბარია მარიუპოლზე, იზიუმზე, ლისიჩანსკზე, პოპასნასა და სევეროდონეცკზე.
