რუსეთის ფედერაციის კურსკის ოლქში მობილიზებულმა თავის "კოლეგას" ავტომატიდან შემთხვევით ესროლა - ამის შესახებ ინფორმაციას უკრაინული მედია Unian ტელეგრამის არხ „Baza-ზე“ დაყრდნობით იუწყება.
ტყვია „მობიკს“ კისერში მოხვდა, ის ადგილზე დაიღუპა.
თვითმხილველის ვერსიით, შემთხვევა სოფელ ტოლპინოში მოხდა. გამოცემის თანახმად, 43 წლის სამხედრომ Ak-74-დან შემთხვევით, 33 წლის რიგითის მიმართულებით ისროლა.
ცნობისთვის, ვლადიმერ პუტინმა ნაწილობრივი მობილიზაციის დასრულება ჯერ კიდევ 31 ოქტომბერს გამოაცხადა, თუმცა ომის შემსწავლელი ამერიკული ინსტიტუტის ცნობით, რუსეთში მობილიზაციისთვის ფარულად ემზადებიან.
