ხერსონიდან უკან დახევისას რუსმა ოკუპანტებმა ბევრი ნივთი დანაღმეს. რუსებმა საბავშვო სათამაშოებიც კი დანაღმული დატოვეს - როგორც შსს-ს ხელმძღვანელის მრჩეველმა, როსტისლავ სმირნოვმა ტელემარეთონის ეთერში განაცხადა, ხერსონში ნაღმების აღმოჩენის მასშტაბები უკიდურესად დიდია.
"ამჟამად მთავარი აქცენტი განმაღმვაზეა გამახვილებული. ნაღმის აღმოჩენის მასშტაბები ძალიან დიდია. გამუდმებით ვიღებ ფოტორეპორტაჟებს - იყო ნაღმი საბავშვო სათამაშოებში, ფეხბურთის ბურთებს შორის და ა.შ.", - ხაზგასმით აღნიშნა მან.
სმირნოვის თქმით, მაშველებმა ხერსონის რეგიონის დეოკუპირებულ ტერიტორიებზე 5 000-ზე მეტი ასაფეთქებელი მოწყობილობა უკვე გააუვნებელყვეს.
