აშშ უკრაინას 53 მლნ დოლარს გამოუყოფს ენერგეტიკული სისტემის მხარდასაჭერად, - ამის შესახებ ინფორმაციას Reuters აშშ-ს- სახელმწიფო დეპარტამენტზე დაყრდნობით ავრცელებს.
თანხა სადისტრიბუციო ტრანსფორმატორებს, ამომრთველებს, დენის დამჭერებს და სხვა აღჭურვილობას მოხმარდება.
"ეს აღჭურვილობა სასწრაფოდ გადაეცემა უკრაინას, რათა დაეხმაროს უკრაინელებს ზამთარში გადარჩენაში“, - წერია სახელმწიფო დეპარტამენტის განცხადებაში.
უკრაინის ეროვნული ენერგეტიკული კომპანიის Ukrenergo-ს ხელმძღვანელის, ვოლოდიმირ კუდრიცკის განცხადებით, უკრაინაში რუსული სარაკეტო იერიშების შედეგად, ყველა დიდი თბოელექტროსადგური და ჰიდროელექტროსადგური დაზიანებულია.
