ისევ გაურკვევლობა და უთანხმოება "ნაციონალურ მოძრაობაში". არჩევნების თარიღთან დაკავშირებით გადაწყვეტილების მიღება ვერ ხერხდება - პარტიის ნაწილი პროცესის წლის ბოლომდე დასრულებას მოითხოვს, მეორე ნაწილი კი აცხადებს, რომ აჩქარება საჭირო არ არის, მითუმეტეს სააკაშვილის მდგომარეობის ფონზე.
ორივე მხარემ დღეს განცხადებები სატელევიზიო ფორმატში გააკეთა და დღის ბოლოს მხოლოდ ის გაირკვა, რომ მთავარი ოპოზიციური პარტიის პოლიტსაბჭოს სხდომა, რომელიც ყველა გადაწყვეტილებას მიიღებს, 11 დეკემბერს გაიმართება.
