რუსეთმა NBA-ს ამერიკელი კალათბურთელი, ბრიტნი გრინერი, შეერთებულ შტატებს იარაღით ცნობილ მოვაჭრე - ვიქტორ ბოუტში, იგივე "სიკვდილით მოვაჭრეში" გაუცვალა - ამის შესახებ ინფორმაციას BBC ავრცელებს.
გამოცემის ცნობით, პატიმრების გაცვლა აშშ-ის პრეზიდენტმა, ჯო ბაიდენმა დაამტკიცა.
შეგახსენებთ, რომ ბრიტნი გრინერი თებერვალში მოსკოვის აეროპორტში კანაფის ზეთის შეტანისთვის დააკავეს. კალათბურთელს რუსეთის სასამართლომ 9 წლით თავისუფლების აღკვეთა მიუსაჯა.
რაც შეეხება იარაღით მოვაჭრე ვიქტორ ბოუტს, მან 12 წელი გაატარა ამერიკულ ციხეში ტერორიზმის მხარდაჭერისა და მკვლელობის ბრალდებით.