სულ მცირე ერთი ადამიანი ემსხვერპლა დღეს, 9 დეკემბერს, მოსკოვში, სავაჭრო ცენტრში გაჩენილ ხანძარს - ინფორმაციას რუსული მედია ავრცელებს.
მათივე ინფორმაციით, დაღუპული მოლის დაცვის თანამშრომელია.
შეგახსენებთ, რომ მოსკოვში, სავაჭრო ცენტრ „მეგა ხიმკი“-ში ხანძარი დღეს დილის 6 საათზე გაჩნდა. ცეცხლი 7,000 კვადრატულ მეტრზე გავრცელდა.
ცეცხლი თავდაპირველად მოლში მდებარე სამშენებლო პროდუქციის მაღაზიაში გაჩნდა და მალევე გავრცელდა.
