ლიეტუვა რუსეთისა და ბელარუსის მოქალაქეებს იარაღისა და საბრძოლო მასალის ფლობას უკრძალავს
გამოქვეყნდა:
ლიეტუვის სეიმმა დაამტკიცა წინადადება, რომ ქვეყანაში რუსეთისა და ბელარუსის მოქალაქეებს იარაღისა და საბრძოლო მასალის ფლობა აეკრძალოთ.
წინადადებას მხარი ლიეტუვის სეიმის 106-მა დეპუტატმა დაუჭირა, წინააღმდეგი არცერთი იყო, 10-მა დეპუტატმა კი თავი შეიკავა.
კანონპროექტის დამტკიცების შემდეგ, ლიეტუვაში მყოფი რუსები და ბელარუსები იარაღს, იარაღის აქსესუარებს, საბრძოლო მასალასა და მათ ნაწილებს ვერ შეიძენენ.
ვარაუდობენ, რომ კანონპროექტი ძალაში 2023 წლის 1 იანვრიდან შევა, რომ სახელმწიფო უწყებებს ჰქონდეთ დრო, მოემზადონ მისი განხორციელებისთვის.
