უკრაინის უმეტეს რეგიონში საჰაერო განგაში გამოცხადდა, უკრაინელებს მასობრივი სარაკეტო თავდასხმის საფრთხის შესახებ აფრთხილებენ - ამის შესახებ ინფორმაციას უკრაინული მედია, Unian ავრცელებს.
გამოცემის ცნობით, თავდაპირველად უკრაინის სამხრეთ-აღმოსავლეთი რეგიონები „გაწითლდა“, მაგრამ მოგვიანებით განგაშის გაფრთხილება სხვა რეგიონებზეც გავრცელდა.
ინფორმაცია რაკეტების უკრაინის ტერიტორიაზე გაშვებასთან დაკავშირებით, ნიკოლაევის რეგიონული სამხედრო-ადმინისტრაციის ხელმძღვანელმა ვიტალი კიმმაც დაადასტურა.
"ნუ უგულებელყოფთ განგაშის სიგნალს, გადადით თავშესაფრებში",- ნათქვამია კიმის განცხადებაში.
