"გადადგეს მკვლელი რატი ბრეგაძე" - პარლამენტთან აქციაზე 2 პირი დააკავეს
გამოქვეყნდა:
საქართველოს მესამე პრეზიდენტის, მიხეილ სააკაშვილის სოლიდარობის ნიშნად პარლამენტთან სამოქალაქო აქტივისტები აქციას მართავენ. მათ ადგილზე მიტანილი აქვთ ბანერები - "კრემლის ჯალათი რატი ბრეგაძე", "გადადგეს მკვლელი რატი ბრეგაძე"; "#SAVEMISHA".
აქციის ერთ-ერთი ორგანიზატორი, ირაკლი ფავლენიშვილი ამბობს, რომ პოლიციამ პროტესტის 2 მონაწილე დააკავა.
"ორი ჩემი თანამებრძოლი დააკავეს, სრულიად უმიზეზოდ, რუსული პოლიციის სტილში, მოვიდნენ, დაეჯახნენ, სიტყვიერი შეურაცხყოფა მოაყენეს, ერთი 16 წლის ბავშვი დააკავეს, მეორე "ანტიკორუფციული მოძრაობის" წევრი", - თქვა ფავლენიშვილმა.
ცნობისთვის, რატი ბრეგაძე დღეს პარლამენტში მინისტრის საათის ფორმატის ფარგლებში იმართება.
